ආදර ගිරවුන් යුවලකි...!

පුළුන් වැනි පා වෙන වළාවක වෙලි

තටු සලමින් ඉගිල ගියේ එකට

ආදරයට අර්ථයක් ගෙනෙන

පෙම් ලොවක් තිබුණි අප හමුව

අහස් කුසෙහි පායාගෙන ආ දේදුන්නක්

දැක මේ අප ආලවන්තකම 

පාටින් හැඩ කළා අපව 

හැඩ කරමින් අප හද ආදරය

දු‍ටුවන් මනමත් කරවන

පියකරු පෙනුමක් ගනි අපේ රූපය,

කෙනෙකු ලියයි පෙම් කවක්

මවමින් ආදර අන්දරය ගැන

තවකෙකු නඟයි අප රූපෙට 

ආදර යුවලක් ‍ලෙසින

නොයෙකුත් උපමා යොදන ආදරය‍ට

නොදැනිම උපමාවක් වුනා අපව

මේ සැම සිත් වසඟයට පත්කල

ආදර ගිරවුන් යුවලකි අප දෙදෙන....