මතකද මල් ඉහිරුණු ලස්සන සුන්දර කාලයක් තිබුණා අපිට.ඒ ලස්සන දවස් සිහිවෙද්දිත් ඇත්තටම හිතට දැනෙන සතුට කියන්න නම් වචනත් නැති තරම්. ඒත් ඒ හැම සතුටක්ම නැති කරගෙන මේ හිත දුකින් පිරෙන්න නම් එක මොහොතක්වත් යන්නේ නෑ. ඒ එදා ඔයා අන්තිමට කියපු වචන ටික තප්පරෙන් තප්පරේ මේ හිත කඩලා බිදලා දාන නිසයි.
"අනේ මට සමාවෙන්න වෙන කියන්න දෙයක් නෑ............................ සතුටින් ඉන්න හැමදාම."
අනේ මේ හිත කොච්චර විදෙව්වත්, ජීවත් වෙන එක කොච්චර අමාරුවුනත් මැරෙන්න තරම්වත් වාසනාවක් නැහැ මේ ජීවිතේ. ඒක නිසයි මේ ගලන කඳුලුත් පුංචිම හයියක් කරගෙන හරි ජිවිතේ ගැටගහන්න හදන්නේ.මොකද මං වෙනුවෙන් අසරණව වටේට වෙලා බලන් ඉන්න අය වෙනුවෙන් ජීවත් වෙන්න ඕනා. නැත්තම් මේ අහිංසකීට පවු පිරෙයි. ඒත් හැම වෙලෙම මේ හිත පුරාම ඉන්නේ ඔයා විතරයි. ඔව්, මේ අහිංසකීගේ හිත පිරෙනකම් තියෙන්නේ ඔයාගේ ආදරේ විතරමයි. මතකද ඔයා මට කියනවා "මම නැතිවුන දවසකට ඔයාට මොනවා වෙයිද දන්නෑ" කියලා. ඒත් ඔයා එහෙම කියන හැම දවසකම මේ අහිංසකි කිවුවේ "නෑ මට මොනවත්ම වෙන්නේ නෑ, මොකද මට කවදත් ඔයාව නැතිවෙන්නේ නෑනේ" කියලා. පුංචි එකියක් වගේ හැමදාම ඔයාගේ ආදරේ ලඟ හුරතල් වුන මේ අහිංසකිගේ වචන ඔයාට අමතක වෙන්න විදිහක් නම් නෑ.
"කියන්න, මට වගේම මේ දුක ඔයාටත් දැනෙනවා නේද."
ඒත් මට තේරෙන් නෑ වචනයක්වත් කතා නොකර මේ අහිංසකීගෙන් ඈත්වෙලා ඔයා කොහොම ඉන්නවද කියලා. කමක් නෑ ඔයා සතුටින් නම් මේ අහිංසකී ජීවිතේ පුරාවටම හරි මේ දුක දරාගෙන ඉන්නම්. මට විශ්වාසයි කවදා හරි ඔයා මේ අහිංසකීගේ ආදරේ තේරුම් ගනිවී. ඔයා නැතිව මේ හිත දරන වේදනාව තේරුම් ගනිවී. මොන දේ වුනත් මේ හිත ආදරේ නම් ඔයාට විතරයි. සත්තයි එදා වගේම අදත් හෙටත් සංසාරය පුරාවටත් මේ අහිංසකි ආදරේ ඔයාටමයි. ඔයාට විතරමයි.
සිහිවන විට මතක
හැඩුවත් මා නිතර
යලි මතු දිනක
නොයෙන බව දනිමි නුඹ
දුකින් පෙලෙන හිතක
අරුමය ලියනට සිතා
පන්හිදෙන් පදවැලක
ගැලපුවා එහි මසිත
සිහියට නැගුනි අද වැනි දිනක
මා අතහැර නුඹ ගියවග
දරන්නට බෑ මේ දුක
තනිකමින් ඉකි ගසයි හිත
යන්න ගිහින් නුඹ දුරක
දෙමසකුත් වේ අද දිනයට
තනිව මා ජිවිතයක
ආදරේ කරමි තවත් නුඹටම....
......යන්න ගියත් නුඹ දුරක, බලා හිදිමි ආදරෙන් නුඹ එනතුරා......
............ ෴ ..........
හිත හදාගන් නංගි !
ReplyDeleteවෙන කරන්ඩ දෙයක් නෑ... දුක තමයි