Tuesday, May 21, 2013

පුංචි කහමලක්...!

                                 දන්නවද හිත කියන්නෙම මේ ගං දියරැලි අතරින් ඔයා හොයාගෙන මේ ඈතින් පෙනෙන අහස් ගැබට ලංවෙන්න කියලමයි..මොකද හීන පිරුණු මේ හිත හැමදාම පතන්නේ ඔයාගේ උණුසුම රැදි ඒ ආදරේම විතරක් නිසා..ඔයාට ලංවෙලා ඔයා දුන්න මේ පුංචි කහමල අතින් අරගෙන ඔයාට තුරුල් වෙන්න හිත කොච්චරනම් පෙරුම් පිරුවද..? ඒ දවස හිතුවෙවත් නැති විදිහට ලංවුනහම හිතට දැනුන සතුට ගැන නම් කොහොම කියන්නද.. මේ පුංචි මල වගේම ඔයාගෙන් ලැබුණ ආදරේත් මට මහමෙරක් තරම්.. ඔව් ඇත්තමයි.., ජීවිතේ හැම දවසක්ම හැම මොහොතක්ම ගෙවෙන්නේ දැන් ඔයත් එක්ක ගෙවෙන මේ ලස්සන මතකයන් එක්ක විතරමයි.... :) 




දැනෙනවා නුඹ විටක,
                                 සිසිල ගෙනෙන මද     පවනක්
                                 පිපාසය නිවන දිය       දෝතක්‍
                                 සෙවන  දෙන මහ         රුකක්
                                 ජීවිතය සරසන පුංචි  කහමලක් . . .


සිතෙනවා මසිතට,
                              සුළං පොදක් වී හමා යන්න නුඹත්        සමඟ
                              පිපාසය නිවා ගන්න තුරල් වී නුඹේ   ආදරයට
                              සෙවනක් ලබා ගන්න වැටි නුඹ          පා මුල
                              නුඹේ අතින් ගෙන සිපගන්න පුංචි  කහමලක් . . .

                             

                                     ♥♥............♥♥



Friday, May 10, 2013

සියලු සැප හිමි මටයි...!


කඩදහියක් ගැණුනේ වදනක් ලියන්න
 එහෙත් ලියවුනේ නුඹේ නමයි

කැඩපත ලඟට ගියේ මගේ රුව දකින්න
එහෙත් දුටුවේ නුඹගේ හදයි

එළියට පියමන් කලේ රෑ අහසේ තරු බලන්න
එහෙත් දුටුවේ තරුවක් වැනි නුඹේ රුවයි

ඇහිපිය වසා යහනට වැටුනේ නිදන්න
එහෙත් නොනිදා සක්සන් කලේ නුඹේ ලඟයි

අනේ හැකිනම් සැමදා නුඹ පා මුල හිදින්න
මෙලොවෙහි සියලු සැප හිමි මටයි.... 
  
♥♥............♥♥