මතකද...!

                     

                    මතකද.,

සීතලෙන් ඇඟ කීරී ගැසෙන

පින්න පිරුණු හිමිදිරි උදයක

සැමතැන මීදුමෙන් වෙළුන

අපි හමුවුණේ එවන් දිනක

                     මතකද.,

හිරු කිරණින් මුකුලිතවුන

අව් කාශ්ඨය පිරුණු දිනක

ඉදහිට සෙනඟක් යනෙන

ඇවිදන් ගියා එවැනි ගුරුපාරක

                     මතකද.,

ටක් ටක් ගා පොද වැටෙන

මිනිසුන් සී සීකඩ විසිරෙන

 කුරුල්ලන් කැදලි සොයා යන

පා යුග තැබුවා අපි පොද වැස්සක

                    මතකද.,

රන්වන් පාටින් හිරු බැසයන

ගොම්මන් කළුවර සිනාවෙන මොහොතක

රළ පෙරලමින් පෙණ දමන එතන

හැරගියා නුඹ මා තව ජීවිතයක

  

♥♥............♥♥